बिव्हर हा प्राणी बांध बांधतो का? चला जाणून घेऊया पाणथळ प्रदेशातील उंदरासारख्या प्राण्याबद्दल अर्थात  बिव्हर  बद्दल   🎻 बिव्हरबद्दल रंजक:  बिव्हर (Beaver) हा प्राणी नदी किंवा ओढ्याच्या वाहत्या पाण्यावर अतिशय मजबूत बांध (Dam) बांधतो.  मानवानंतर स्वतःच्या गरजेनुसार निसर्गात एवढे मोठे बदल करणारा हा जगातील एकमेव प्राणी मानला जातो. ➡️ बांध का बांधतात? संरक्षण :  बिव्हर खूप संथ चालतात, त्यामुळे जमिनीवर लांडगे किंवा अस्वलांसारखे शिकारी प्राणी त्यांच्यावर सहज हल्ला करू शकतात.  बांध बांधून ते पाण्याचा स्तर वाढवतात, ज्यामुळे त्यांना शत्रूंपासून सुरक्षित राहता येते. घर बांधण्यासाठी:  वाढलेल्या पाण्याच्या मध्यभागी ते लाकूड आणि माती वापरून त्यांचे घर (ज्याला 'लॉज' म्हणतात) बांधतात.  या घराचा दरवाजा पाण्याच्या आत असतो, ज्यामुळे कोणताही शिकारी प्राणी त्यांच्या घरात शिरू शकत नाही. 🌮 अन्नाचा साठा :  हिवाळ्यात नदीचे पाणी गोठण्यापूर्वी ते पाण्याच्या तळाशी झाडांच्या फांद्या आणि अन्न साठवून ठेवतात.  पाणी खोल असल्यामुळे हा अन्नाचा साठा गोठत नाही...