11वी प्रवेश व 12वी पुरवणी परीक्षा 🎷
11वी प्रवेश अर्जाचा भाग पहिला 10वी च्या निकाला पर्यंत भरता येईल.🎻
बारावी परीक्षेच्या निकालानंतर सर्वांचे लक्ष हे दहावीच्या निकालकडे लागले आहे.
11 वी प्रवेश प्रक्रियेबाबत मुदतवाढीचा निर्णय घेण्यात आला आहे.
विद्यार्थ्यांची गैरसोय टाळण्यासाठी माध्यमिक व उच्च माध्यमिक शिक्षण संचालनालयाने 11वी प्रवेश नोंदणीची मुदत वाढवली आहे.
विद्यार्थ्यांना दहावीचा निकाल लागेपर्यंत ही मुदतवाढ देण्यात आली आहे.
मागील वर्षीच्या तुलनेत यंदा 11वी प्रवेश प्रक्रिया अधिक सुलभ आणि पारदर्शक करण्यासाठी 10 एप्रिलपासून ऑनलाइन नोंदणी पोर्टल सुरू केले होते.
सुरुवातीला 30 एप्रिलपर्यंत ही मुदत निश्चित करण्यात आली होती.
मात्र अनेक विद्यार्थी अद्याप निकालाच्या प्रतिक्षेत असल्याने त्यांना अडचणी येत होत्या,ही बाब लक्षात घेऊन संचालनालयाने 11वी प्रवेश मुतद वाढवण्याचा निर्णय घेतला आहे.
11 वी प्रवेशासाठी अर्जाचा भाग पहिला भरण्याच्या सूचना विद्यार्थ्यांना शिक्षण विभागाने दिल्या होत्या. त्यानुसार अर्ज प्रक्रिया सुरू करण्यात आली आहे.
छत्रपती संभाजीनगरमध्ये 12 हजारहून अधिक तर राज्यभरातून 6.97 लाख विद्यार्थ्यांनी अर्जाचा भाग पहिला भरला आहे. ज्या विद्यार्थ्यांनी अकरावी प्रवेशाचा भाग पहिला भरला नसेल त्यांनी तो भरून घ्यावा यासाठी ही सोय करण्यात आली आहे.
12वी पुरवणी परीक्षेसाठी दि. 05/05/2026 पासून अर्ज प्रक्रिया,
अंतिम मुदत 15 मे पर्यंत.🤗
12 वी परीक्षेचा निकाल 2 मे रोजी जाहीर झाला आहे.
या परीक्षेत अनुत्तीर्ण झालेल्या, खासगीरीत्या प्रविष्ट होणाऱ्या, तसेच श्रेणीसुधार व आयटीआय अंतर्गत तुरळक विषय घेऊन परीक्षा देऊ इच्छिणाऱ्या विद्यार्थ्यांसाठी पुरवणी परीक्षेची अर्ज प्रक्रिया 5 मे पासून सुरू होत आहे.
विद्यार्थ्यांना 15 मे पर्यंत नियमित शुल्कासह, तर 20 मे पर्यंत विलंब शुल्कासह ऑनलाइन अर्ज भरता येतील.
अर्जाचे शुल्क जमा करण्याची अंतिम मुदत 21 मे असून, कनिष्ठ महाविद्यालयांनी विद्यार्थ्यांच्या याद्या 25 मे पर्यंत विभागीय मंडळाकडे जमा करायच्या आहेत.
अधिक माहितीसाठी www.mahahsscboard. in या संकेतस्थळाला भेट देण्याचे आवाहन करण्यात आले.
टिप्पण्या
टिप्पणी पोस्ट करा