दहावी विज्ञान पेपर संदर्भात.

दहावी विज्ञान आणि तंत्रज्ञान भाग एक अभ्यासक्रमासाठी 👇

 👉 🖊️    १० वी विज्ञान आणि तंत्रज्ञान भाग- १

सर्वप्रथम सर्व विद्यार्थ्यांना परीक्षेसाठी शुभेच्छा.

वर्षभर केलेल्या अभ्यासामुळे जास्त परिश्रम न करता योग्य सराव करून आपण आत्मविश्वासाने परीक्षेला सामोरे जाऊ शकतो.

उत्तर पत्रिका कशी लिहावी यासाठी काही मार्गदर्शक सूचना.

एकुण वीस पानाची उत्तर पत्रिका आहे. तिसऱ्या पानापासून उत्तरे लिहिण्यास सुरुवात होत असते म्हणून...

१. तिसरे पान - प्रश्न पहिला अ 

२. चौथी पान- प्रश्न पहिला ब. 

३. प्रश्न दुसरा अ हा शास्त्रीय कारणे द्या चा असून तीन पैकी दोन सोडवायचे आहेत. 

पाचवे पान - प्रश्न दुसरा अ- १

४. सहावे पान - प्रश्न दुसरा अ-२

५. प्रश्न दुसरा ब यामध्ये पाच पैकी तीन सोडवायचे आहे. 

सातवे पान - प्रश्न २ रा ब -१

६. आठवे पान- प्रश्न २ रा ब - २

७. नववे पान- प्रश्न २ रा ब - ३

८. तिसऱ्या प्रश्नात आठ पैकी पाच सोडवायचे आहेत. दहावे पान- प्रश्न ३. १

९. अकरावे पान- प्रश्न ३.२

१०. बारावे पान- प्रश्न ३.३

११. तेरावे पान- प्रश्न ३.४

१२. 14 वे पान - प्रश्न ३.५

१३. प्रश्न चौथ्या मध्ये दोन पैकी एक सोडवायचे असते. पंधरावे पान- प्रश्न ४.१

१४. सोळावे पान- प्रश्न ४.२

याचा अर्थ असा की आपण सुटसुटीत उत्तर पत्रिका लिहू शकतोत हे लक्षात येते.

* गरज असेल तर पुरवणी मिळतेच.

* प्रश्न संपल्यावर आडवी रेष मारून त्या प्रश्नाचा भाग बंद करावा.

* आकृतीला चौकट करावी.

* सुबक व नामनिर्देशित आकृती काढावी.

* विज्ञानातील गणित सोडवताना त्याच पानावर उभी रेष मध्यभागात मारून कच्चे काम करता येते. 

* विज्ञानातील गणित सोडवताना शेवटच्या उत्तराला चौकट करावी.

* योग्य ठिकाणी एकक लिहावे. 

* रासायनिक समीकरण लिहिताना अभिक्रिया कारक व उत्पादित योग्य पद्धतीने संतुलित करावेत. समीकरण रेणुसूत्र व शब्दात मांडावे.

* जास्तीचे प्रश्न येत असतील तर ते पण सोडवावेत. जेणेकरून एखाद्या प्रश्नात कमी जास्त गुण झाल्यास आपले एकूण गुण कमी होणार नाहीत.

* प्रश्न पहिला लिहीत असताना ए बी सी डी पर्याय अचूक उत्तर खडाखोड न करता व्यवस्थित लिहावे. पूर्ण वाक्य लिहून उत्तर लिहिल्यास सर्वोत्तम. 

* शास्त्रीय कारणे द्या मध्ये कमीत कमी दोन मुद्दे असावेत. 

* संपूर्ण उत्तर पत्रिकेत योग्य पण मोजक्याच ठिकाणी अंडरलाईन करावी.

* प्रश्न क्रमांक लिहिल्याशिवाय उत्तराला सुरुवात करू नये. 

* नवीन प्रश्न नवीन पानावर लिहिणे ही एक उत्तम पद्धत आहे. 

* एका प्रश्नातील सर्व उपप्रश्न सलग असावेत.

* कोणतीही घाई गडबड न करता एक तास 45 मिनिटात उत्तम पद्धतीने

 प्रश्न पत्रिका सोडवता येते.